Aprobación definitiva do estudo de detalle das parcelas 10, 11 e 12 do parque empresarial de Santa Comba.

O Pleno da Corporación municipal, en sesión que tivo lugar o día 26 de abril de 2012, adoptou, entre outros, o acordo de aprobación definitiva do estudo de detalle das parcelas 10, 11 e 12 do parque empresarial de Santa Comba, de iniciativa privada, promovido por Xestur A Coruña, S.A., redactado por Manuel Fernández Rodríguez, e queda extinguida a suspensión de licenzas.

O obxecto, o texto e os planos que integran o estudo de detalle figura no anuncio estenso que se publicará no BOP.

O acto da dita aprobación definitiva á consellería competente en materia de urbanismo e ordenación do territorio, foille comunicado con data do 27 de abril de 2012, rexistro portelo único n.º 436, á vez que se lle dá traslado de copia autenticada do expediente completo así como de dous exemplares da dita actuación con todos os planos e documentos que o integran, debidamente dilixenciados pola Secretaría do Concello.

Recursos: contra o acordo de aprobación, que é definitivo na vía administrativa, poderá interpoñerse recurso contencioso-administrativo ante o Tribunal Superior de Xustiza de Galicia, no prazo de dous meses, sen prexuízo doutros recursos a que houber lugar.

Todo isto en aplicación dos artigos 52 da Lei 7/1985, do 2 de abril, reguladora das bases de réxime local, artigo 194 e concordantes do Real decreto 2568/1996, do 28 de novembro; artigos 58, 59 107, 109 e concordantes da Lei 30/1992, do 26 de novembro, de réxime xurídico das administracións públicas e do procedemento administrativo común, así como os artigos 8, 10, 14 e 46 da Lei 29/1998, do 13 de xullo, reguladora da xurisdición contencioso-administrativa.

Santa Comba, 27 de abril de 2012.

Antonio Manuel Landeira Gallardo
Alcalde