Faise público que o Arcebispado de Santiago de Compostela solicitou licenza para desenvolver a actividade de ampliación do cemiterio parroquial de San Xián de Beba, en Beba, no ámbito de aplicación comprendido no Decreto 133/2008, do 12 de xuño, polo que se regula a avaliación de incidencia ambiental.

Presentada a solicitude e documentación anexa requirida pola normativa, e para os efectos de cumprir o disposto no artigo 8.3 do Decreto 133/2008, o expediente de referencia exponse ao público por un período de vinte días mediante anuncio no Diario Oficial de Galicia e no Boletín Oficial da provincia correspondente e exposición no taboleiro de anuncios do concello.

Deste xeito todos os interesados ou afectados pola actividade obxecto deste expediente poden consultalo nas dependencias municipais e efectuar as alegacións ou observacións que consideren pertinentes.

Ademais, dado que o expediente para a ampliación do cemiterio debe obter a correspondente autorización sanitaria, o presente anuncio servirá igualmente para os efectos de cumprir o trámite de exposición publica a que se refire o artigo 52 do Decreto 134/1998, do 23 de abril, de policía sanitaria mortuoria.

Mazaricos, 24 de maio de 2012.

José M. Santos Maneiro
Alcalde