DOG 102 do 30/05/2012 - RESOLUCIÓN do 10 de maio de 2012, da Dirección Xeral de Relacións Laborais, pola que se fai público o acordo de trasladar o expediente da Federación de Redeiras Artesás O Peirao ao Rexistro de Asociacións Profesionais de Traballadores Autónomos da Comunidade Autónoma de Galicia e a correspondente baixa na Oficina Pública de Depósito de Asociacións Empresariais e Sindicais de Galicia.

VI. Anuncios

a) Administración autonómica

Consellería de Traballo e Benestar

RESOLUCIÓN do 10 de maio de 2012, da Dirección Xeral de Relacións Laborais, pola que se fai público o acordo de trasladar o expediente da Federación de Redeiras Artesás O Peirao ao Rexistro de Asociacións Profesionais de Traballadores Autónomos da Comunidade Autónoma de Galicia e a correspondente baixa na Oficina Pública de Depósito de Asociacións Empresariais e Sindicais de Galicia.

Con data do 20 de abril de 2012 recibiuse solicitude de traslado do expediente da Federación Galega de Redeiras Artesás O Peirao ao Rexistro de Asociacións Profesionais de Traballadores Autónomos da Comunidade Autónoma de Galicia.

Vista a documentación achegada e, en virtude do disposto na disposición transitoria terceira da Orde do 17 de setembro de 2010, pola que se desenvolve o Decreto 406/2009, do 22 de outubro, polo que se crea o Rexistro de Asociacións Profesionais de Traballadores Autónomos da Comunidade Autónoma de Galicia, acórdase dar traslado do expediente da citada federación ao citado rexistro e procédese á súa baixa na Oficina Pública de Depósito de Asociacións Empresariais e Sindicais de Galicia.

Santiago de Compostela, 10 de maio de 2012.

Odilo Martiñá Rodríguez
Director xeral de Relacións Laborais