A instalación denominada L.M.T., C.T., R.B.T. Sobral, no concello de Pontevedra, foi declarada de utilidade pública mediante Resolución do 10 abril de 2012, da Xefatura Territorial de Economía e Industria, o que leva implícita a urxente ocupación dos bens e dereitos afectados, tendo a condición de beneficiaria a empresa Unión Fenosa Distribución, S.A.
Segundo o disposto no artigo 52 da Lei de expropiación forzosa e no artigo 54.1 da Lei 54/1997, do 27 de novembro, do sector eléctrico, comunícase que o día 19 de xuño de 2012, a partir das 11.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do concello de Pontevedra.
Os interesados recibirán unha notificación individual coa debida antelación legal, na que se lle comunicará a data e a hora na que deberán presentarse nos seus predios, informándoos de que poderán ir acompañados por un perito ou un notario, pola súa conta, se así o consideran conveniente.
Esta publicación servirá de comunicación para os titulares daqueles predios que figuran como descoñecidos ou se ignora o lugar de notificación, de acordo co establecido no artigo 59.4 da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Vigo, 9 de maio de 2012.
Ignacio Rial Santomé
Xefe territorial de Vigo
L.M.T., C.T., R.B.T. Sobral (Pontevedra).
N.º |
Nome e apelidos |
N.º apoio |
m2 apoio |
1 |
Descoñecido |
C.T. |
14,78 |
2 |
Descoñecido |
1 |
4 |