Ramos Metal, S.L.U. solicitou desta alcaldía licenza para a apertura de nave para fabricación de estruturas metálicas, no Parque Empresarial de Quiroga, parcelas B1, B3, B5, B7, B9, B11, B13 e B15. Cumprindo o disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por período de vinte días hábiles, co fin de que durante este -que comezará a contar desde o día seguinte ao da inserción do presente edicto no Boletín Oficial da provincia e no Diario Oficial de Galicia- poidan examinar o expediente, na Secretaría deste Concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que se consideren oportunas.

Quiroga, 12 de abril de 2012.

O concelleiro delegado