Para os efectos previstos na Lei 54/1997, do 27 de novembro (BOE n.º 285), do sector eléctrico, e no título VII do Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición da autorización administrativa da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: modificado 2 do proxecto L.M.T., C.T., R.B.T. San Martiño.
Situación: concello de Boiro.
Características técnicas:
– Paso aerosubterráneo, a 20 kV, cunha lonxitude de 0,074 km, con orixe e final no apoio da L.M.T.A. existente entre C.T. Fonte do Seixo (expediente 31408) e o C.T. Boliña (expediente 51503), coa instalación de SXS en apoio frecuentado, condutor tipo LA-110 mm².
– Liña de media tensión subterránea a C.T.C. San Martiño, a 20 kV, cunha lonxitude de 0,684 km, con orixe en apoio que se substituirá entre o C.T. Fonte do Seixo (expediente 31408) e o C.T. Boliña (expediente 51503), condutor tipo R.H.Z.1-2OL-12/20 kV, 3(1×240 Al), e final no C.T.C. San Martiño proxectado.
– Centro de transformación prefabricado, cunha potencia de 250 kVA e unha relación de transformación de 20.000/400-230 V.
– Saídas de baixa tensión subterráneas do C.T.C. San Martiño, cunha lonxitude de 0,390 km, con orixe no C.T.C. San Martiño, condutor tipo X.Z.1-0,6/1 kV-4×240 Al.
– Liña de baixa tensión aérea, cunha lonxitude de 2,159 km, con orixe na R.B.T.S. de C.T.C. San Martiño, condutor tipo R.Z. e apoios de formigón.
Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, situada no edificio administrativo de Monelos, rúa Vicente Ferrer, 2-2.º andar, 15071 A Coruña, no prazo de vinte días a partir da última publicación.
A Coruña, 25 de abril de 2012.
Susana Vázquez Romero
Xefa territorial da Coruña