As entidades que se citan solicitaron da Xerencia Municipal de Urbanismo do Concello de Vigo licenzas urbanísticas para as actividades e nos lugares que a seguir se indican:
1. Solicitante: Ciali, S.L.; actividade: laboratorio de control de calidade de alimentos; situación: Baixada á Gándara, n.º 1, Coruxo; expediente: 38962/422.
2. Solicitante: Comercial Luis Senra Rodríguez, S.L.; actividade: mantemento e almacenaxe de extintores; situación: Camiño Veiguiña, n.º 32, Alcabre; expediente: 38976/422.
3. Solicitante: Yamarco Sport, S.A.; actividade: venda e instalación de pneumáticos, aliñado de dirección e cambio de aceite; situación: Gran Vía, n.º 161; expediente: 38892/422.
De conformidade co artigo 8.3. do Decreto 133/2008, do 12 de xuño, polo que se regula a avaliación de incidencia ambiental, sométense os expedientes a información pública por un prazo de vinte días mediante anuncio no DOG, BOP e exposición no taboleiro de anuncios da Xerencia Municipal de Urbanismo, para que quen se considere afectado dalgún xeito pola actividade que se pretende establecer poida alegar o que considere oportuno.
O prazo de información pública entenderase aberto desde o día seguinte ao da publicación do primeiro anuncio e rematará transcorridos vinte días desde o día seguinte ao da publicación do derradeiro anuncio. Os expedientes atópanse á disposición do público en xeral e pódense consultar na oficina de Arquivo e Control da Xerencia Municipal de Urbanismo (planta-1 do edificio da Xerencia, sito na praza do Rei, 4, Vigo).
Vigo, 26 de abril de 2012.
M.ª del Carmen Silva Rego
Concelleira delegada da Área de Urbanismo, Cascos Históricos
e Grandes Proxectos