Domicar4por4, S.L, con CIF número B-32426694, e con domicilio en CN-525 s/n, San Cristovo (Riós), solicitou licenza municipal para construción dunha nave industrial destinada a taller mecánico para reparación de vehículos, na parcela 152 do polígono 194, na zona denominada A Lagoa, CN-525, en San Cristovo, deste municipio. En cumprimento do disposto polo artigo 8.1 do Decreto 133/2008, do 12 de xuño, no que se regula a avaliación de incidencia ambiental, e de conformidade co disposto no artigo 36, alínea a), número 5 do Regulamento xeral de policía de espectáculos públicos e actividades recreativas, do 27 de agosto de 1982, sométese a información pública por un período de vinte días hábiles, co fin de que durante este –que empezará a contarse desde o seguinte ao da inserción do presente edicto no Diario Oficial de Galicia e no Boletín Oficial da provincia– poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que xulguen oportunas.

Riós, 14 de maio de 2012.

Francisco Armando Veiga Romero
Alcalde