O Pleno do Concello de Vigo, en sesión ordinaria do día 26 de marzo de 2012, adoptou o seguinte acordo:

Primeiro. Aprobar inicialmente a modificación puntual n.º 7 do Plan Xeral de Ordenación Municipal de Vigo, relativa á definición de aliñacións no camiño de Balsa (Matamá), redactada polos servizos técnicos e xurídicos da Xerencia Municipal de Urbanismo, en execución da sentenza 00025/2011, do 13.1.2011 (P.O. 0004653/2008), da Sala do Contencioso-Administrativo (sección 2.ª) do Tribunal Superior de Xustiza de Galicia.

Segundo. Para os efectos do artigo 77.2 da LOUGA, determinar expresamente que a área afectada pola modificación comprende exclusivamente as parcelas lindeiras coa vía do Camiño de Balsa, do cal se trazan as aliñacións, de referencias catastrais 54057A088003480000AI, 54057A088003520000AJ, 1320801NG2712S0001OD e 1320819NG2712S0001YD.

Terceiro. Abrir un trámite de información pública durante o prazo de dous meses, mediante a inserción de anuncios no DOG e en dous dos xornais de maior difusión da provincia, e dar audiencia simultaneamente durante o mesmo prazo aos municipios limítrofes.

Ao mesmo tempo, solicitar das administracións públicas competentes os informes sectoriais que resulten necesarios; en particular, da Consellería de Economía e Industria tocante aos datos reflectidos no Rexistro Mineiro de Galicia.

Cuarto. Dar traslado do presente acordo á Sala do Contencioso-Administrativo (sección 2.ª) do Tribunal Superior de Xustiza de Galicia, para o seu coñecemento.

Vigo, 17 de abril de 2012.

María del Carmen Silva Rego
Concelleira delegada da Área de Urbanismo, Cascos Históricos e Grandes Proxectos