Intentada a notificación das ditas resolucións segundo o disposto nos artigos 59.5.º e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e segundo o disposto no número 5 do referido artigo e o establecido no artigo 61 do mesmo texto legal, notifícaselles aos interesados o contido das resolucións que figuran como anexo, para que poidan ter coñecemento delas.
Estas resolucións poñen fin á vía administrativa e contra elas os interesados poden interpoñer recurso contencioso-administrativo, no prazo de dous meses que comezará a contar a partir do día seguinte ao da publicación desta cédula no Diario Oficial de Galicia, ante o órgano competente da xurisdición contencioso-administrativa. Así mesmo, con anterioridade e con carácter potestativo, poderán interpoñer un recurso de reposición no prazo dun mes, que comezará a contar a partir do día seguinte ao desta publicación, ante esta xefatura territorial, todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 30/1992, do 26 de novembro, de réxime xurídico das administracións públicas e do procedemento administrativo común.
Lémbraselles tamén o seu dereito a consultar o expediente, depositado nas dependencias desta xefatura territorial, sitas na rúa Salvador de Madariaga, n.º 9-1.º, na Coruña, e a obter, se é o caso, copia da resolución, segundo o previsto na letra a) do artigo 35 da Lei 30/1992, do 26 de novembro.
A Coruña, 26 de abril de 2012.
Luis Alberto Álvarez Freijido
Xefe territorial da Coruña
ANEXO
N.º de expediente: TR343A 2011/108-1.
Nome ou razón social: Nuran Susler.
DNI/NIF: Y1455316M.
Último enderezo coñecido: r/ Bautizados, 8 baixo, 15702 Santiago de Compostela (A Coruña).
Tipo de axuda: contratación temporal.
Contido da resolución: revogar a axuda concedida.
Data da resolución: 31 de decembro de 2011.
N.º de expediente: TR343A 2011/174-1.
Nome ou razón social: Karutita, S.L.
DNI/NIF: B701303680.
Último enderezo coñecido: r/ Emilio González López, 38-1.º B, 15011 A Coruña.
Tipo de axuda: contratación indefinida.
Contido da resolución: declarar a desistencia da súa solicitude.
Data da resolución: 27 de decembro de 2011.