Domingo Casanova Montero, en representación de S.A.T. O Canal, solicitou desta Alcaldía licenza municipal para o proxecto de balsa de xurro, na parcela número 73 do polígono 247, da parroquia de San Xiao de Mos, do concello de Castro de Rei.

En cumprimento do disposto no artigo 8 do Decreto 133/2008, do 12 de xuño, en que se regula a avaliación de incidencia ambiental, sométese a información pública por un prazo de vinte (20) días hábiles, co fin de que durante este período –que comezará a contarse desde o día seguinte ao da última publicación deste edicto no BOP e no Diario Oficial de Galicia– poidan examinar o expediente, na Secretaría deste Concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que consideren oportunas.

Castro de Rei, 2 de maio de 2012.

Francisco Javier Balado Teijeiro
Alcalde