Acordo do Pleno do concello con data do 23.3.2012 polo que se acorda a publicación da decisión da sentenza pronunciada con data do 18 de decembro de 2008 pola Sección 2.ª da Sala do Contencioso-Administrativo do Tribunal Superior de Xustiza de Galicia no recurso contencioso-administrativo núm. 4273/2006.
A Sala do Contencioso-Administrativo (Sección Quinta) do Tribunal Supremo con data do 26 de xaneiro de 2012, ditou sentenza no recurso de casación núm. 2260/2009, desestimando os motivos de casación invocados e declarando que non procede o recurso de casación interposto polo Concello de Brión contra a sentenza pronunciada con data 18 de decembro de 2008 da Sección 2.ª da Sala do Contencioso-Administrativo do Tribunal Superior de Xustiza de Galicia. Esta sentenza do TSXG, que devén firme, foi ditada no recurso contencioso-administrativo núm. 4273/2006, e di na súa parte dispositiva:
«Que debemos estimar e estimamos o recurso contencioso-administrativo interposto pola Asociación Veciñal Torres de Altamira contra acordo do Pleno do Concello de Brión do 14.3.2006, polo que se aproba definitivamente o Plan Parcial Monte de Perros e, en consecuencia, anulamos o mencionado Acordo do 14 de marzo de 2006 o cal é contrario a dereito; sen facer especial condena en custas».
O que se fai público para xeral coñecemento e efectos consonte o previsto no artigo 72 da Lei 29/1998, do 13 de xullo, reguladora da xurisdición contencioso-administrativa.
Brión, 23 de marzo de 2012.
José Luis García García
Alcalde