A Xunta de Goberno local, na sesión ordinaria que tivo lugar o 20 de febreiro de 2012, adoptou, entre outros, o seguinte acordo:

– Aprobar inicialmente o estudo de detalle no ámbito da modificación puntual do Plan Especial de Reforma Interior (PERI-5) e do Plan Parcial do SUNP-6 (San Lázaro), formulado de oficio polo concello para a concreción das rasantes no citado ámbito de planeamento.

En aplicación do procedemento regulado polo artigo 86.2 da Lei 9/2002, do 30 de decembro, de ordenación urbanística e protección do medio rural de Galicia (LOUG), o estudo de detalle inicialmente aprobado someterase a información pública durante o prazo de vinte días, mediante anuncios que para o efecto se publicarán no Diario Oficial de Galicia e nun dos xornais de maior circulación na provincia. Simultaneamente, practicarase citación persoal aos propietarios das parcelas afectadas segundo figuren no catastro e publicarase edicto no Boletín Oficial da provincia.

O acordo de aprobación inicial determina automaticamente, por aplicación do que dispón o artigo 77.2 da LOUG, a suspensión do procedemento de outorgamento de licenzas de edificación no ámbito das parcelas afectadas, durante o prazo máximo de dous anos, contado desde a data da aprobación inicial do estudo de detalle.

De conformidade co disposto no artigo 86.2 da LOUG, o citado expediente sométese a información pública, durante o prazo de vinte días, contado a partir do día seguinte ao da publicación deste anuncio no Diario Oficial de Galicia. Durante este prazo os interesados poderán consultar o expediente no Servizo de Planeamento e Xestión e formular por escrito as alegacións que xulguen oportunas.

Santiago de Compostela, 30 de marzo de 2012.

Gerardo Conde Roa
Alcalde