Visto o expediente para outorgamento de autorización administrativa e aprobación do proxecto de execución da instalación eléctrica:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: subestación A Farixa 132 kV.
Situación: Ourense.
Características técnicas:
Esquema unifilar de dobre barra tanto en 132 kV, como en 20 kV, e nesta fase móntanse dous transformadores de 30 MVA, trifásicos ONAN±10x1,632/21,YNyn0d11, existindo a posibilidade de montar outro.
O parque de 132 kV consta de:
– 2 posicións de liña.
– 2 posicións de transformador.
– 1 posición de medida de tensión de barras.
– 1 posición de acoplamento transversal.
O parque de 20 kV consta de:
– 16 posicións de liña.
– 2 posicións de transformador.
– 1 posición de medida de tensión de barras.
– 1 posición de acoplamento transversal.
– 2 posicións de transformador de servizos auxiliares, de 160 kVA e R/T 20.000/420-230 V.
Orzamento: 3.622.012 euros.
En cumprimento dos trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderá interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpor calquera outro recurso que considere pertinente.
Ourense, 3 de abril de 2012.
Gabriel Diéguez Domínguez
Xefe territorial de Ourense
