María Mercedes Santos García, secretaria xudicial de reforzo do Xulgado do Social número 1 da Coruña, fago saber que no procedemento PO 962/2011, seguido neste xulgado, se ditou sentenza cuxo encabezamento e decisión é do teor literal seguinte:
«Na Coruña, a vinte e catro de febreiro de dous mil doce.
Vistos por Montserrat Matos Salgado, maxistrada xuíza substituta do Xulgado do Social número 1 (reforzo) da Coruña e o seu partido, os presentes autos de xuízo número 962/2011 seguidos por instancia de Aitor García Martínez asistido pola letrada Sra. Vázquez Méndez, contra a empresa Cascel Proyectos, S.L., en rebeldía procesual, e contra o Fogasa, que non comparece, versando a litis sobre reclamación de salarios.
Decido que estimando integramente a demanda formulada por Aitor García Martínez asistido pola letrada Sra. Vázquez Méndez, contra a empresa Cascel Proyectos, S.L., en rebeldía procesual, e contra o Fogasa, que non comparece, debo condenar e condeno a demandada a aboar ao demandante a suma de 5.698,80 euros, incrementada cos xuros moratorios pertinentes. Así, debo absolver e absolvo o Fogasa, sen prexuízo da súa responsabilidade subsidiaria nos casos previstos no artigo 33 ET.
Notifíquese esta sentenza ás partes advertindo que contra ela poderán interpoñer recurso de suplicación ante o Tribunal Superior de Xustiza que deberá ser anunciado por comparecencia, ou mediante escrito neste xulgado dentro dos cinco días seguintes á notificación desta sentenza, pasados os cales se declarará firme e se procederá ao seu arquivo. Advírtase igualmente ao recorrente que non fose traballador ou beneficiario do Réxime Público de Seguridade Social, ou habente-causa seu, ou non teña recoñecido o beneficio de xustiza gratuíta, que deberá depositar a cantidade de 300 euros (artigo 229 Lei 36/2011, do 11 de outubro, reguladora da xurisdición social) na conta aberta na entidade Banesto a nome deste xulgado».
E para que sirva de notificación en legal forma á empresa Cascel Proyectos, S.L. en ignorado paradoiro, expido a presente para a súa inserción no Diario Oficial de Galicia.
A Coruña, 14 de marzo de 2012.
A secretaria xudicial
