En cumprimento do disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública o expediente 16/2009 que se tramita por instancia de María Barreiro Rodríguez, en representación de Comercial M. Durán, S.L.U., para a concesión de licenza de apertura e funcionamento de venda por xunto de lubricantes, que se instalará na parcela A-1, módulo 2, do polígono industrial de Bergondo, deste termo municipal.
Durante o prazo de vinte días, contados a partir do seguinte ao da última publicación deste edicto no Boletín Oficial da provincia ou no Diario Oficial de Galicia, o expediente atópase á disposición do público no Servizo de Urbanismo deste concello co fin de que quen se considere afectado pola actividade poida examinalo e deducir, de ser o caso, as alegacións ou observacións que teña por conveniente.
Bergondo, 2 de marzo de 2012.
Alejandra Pérez Máquez
Alcaldesa