N.º autos: execución de títulos xudiciais 0000017/2012.
Demandante: Alexandre Pacheco dos Santos.
Avogada: María Mercedes Rubal Díaz.
Demandada: Revoco de Baos, S.L.
Rafael González Alió, secretario xudicial do Xulgado do Social número 1 de Lugo, fago saber que no procedemento de execución de títulos xudiciais 17/2012 deste xulgado do social, seguido por instancia de Alexandre Pacheco dos Santos contra a empresa Revocos de Baos, S.L. sobre despedimento, foi ditado auto cuxa parte dispositiva é a seguinte:
«Declárase extinguida a relación laboral que unía Alexandre Pacheco dos Santos coa empresa Revocos de Baos, S.L., e condénase esta ao pagamento das seguintes cantidades:
Nome do traballador: Alexandre Pacheco dos Santos.
Indemnización: 26.798,63 euros (vinte e seis mil setecentos noventa e oito con sesenta e tres céntimos de euro).
Salarios: 10.980,33 euros (dez mil novecentos oitenta con trinta e tres céntimos de euro)».
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
Lugo, 20 de febreiro de 2012.
O secretario xudicial