De conformidade co disposto no artigo 59.5.º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, procédese a dar publicidade á parte substantiva dos acordos da comisión provincial do 20 de xuño de 2011.
«Primeiro. Iniciar o procedemento de reintegro da bolsa concedida, identificada no anexo desta resolución.
Segundo. Pór á disposición da interesada o expediente para que consonte o previsto no artigo 84 da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, no prazo de 10 días, contados a partir do seguinte ao da publicación desta resolución no DOG, alegue e presente os documentos e xustificacións que coide pertinentes ante a Sección de Bolsas da Xefatura Territorial da Consellería de Cultura, Educación e Ordenación Universitaria, situada na rolda da Muralla, 70. 27071 Lugo.
Transcorrido este prazo, a Dirección Xeral de Formación e Orientación Universitaria do Ministerio de Educación, de ser o caso, ditaría resolución que determine tanto a procedencia do reintegro, como a liquidación dos xuros de demora correspondentes desde o momento do pagamento da bolsa.
Non obstante, no suposto de que a interesada estea conforme coa obriga do reintegro, poderá facer efectivo o reintegro en calquera banco ou caixa de aforros, facendo uso dos documentos habilitados para o efecto, dándose así por concluído o expediente».
Lugo, 24 de febreiro de 2012.
José Jesús Ramos Ledo
Xefe territorial de Lugo
ANEXO
Interesada: Helen Aparecida Esteves. Rúa Roberto Baamonde, 141, 3.º A. Monforte de Lemos (Lugo).
NIF: Y0741337S.
Importe: 2.244,00 €.
Curso: 2010-2011.
Causa: 10.2. Estar en posesión dun título do mesmo ou superior nivel para o que solicita a bolsa.
Interesads: Adriana Folgueira Buide. Avenida Paulo Fabio Máximo, 50, 1.º C. Lugo (Lugo).
NIF: 34280658D.
Importe: 204,00 €.
Curso: 2010-2011.
Causa: 1.1. Baixa no centro.