Vistos os expedientes instruídos para os efectos de transmisión inter vivos dos viveiros G. II e Meira II e das concesións administrativas que os amparan, resulta:
a) Antecedentes de feito.
Primeiro. Mediante escritos do 14 de febreiro de 2012, Ignacio Villanueva González (35879196-R), no nome e representación de Mariscos Piscis, S.L. (B36175776), solicitou autorización para transmisión das concesións dos viveiros G. II e Meira II.
Segundo. Os informes do Servizo de Protección dos Recursos sobre as características dos viveiros e do Servizo Técnico-Xurídico sobre a tramitación dos expedientes son favorables.
b) Fundamentos xurídicos.
Primeiro. Este órgano é competente para resolver os expedientes de conformidade coa Lei 6/2009, do 11 de decembro, de modificación da Lei 11/2008, do 3 de decembro, de pesca de Galicia, e coa Orde do 20 de xaneiro de 2012, de delegación de competencias nos xefes territoriais da Consellería do Medio Rural e do Mar.
Segundo. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, pola que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999, pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, a proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería resolve:
Autorizar a transmisión inter vivos, a favor de Rubén Antepazo Miranda (77010142-R), das concesións que se indican a continuación:
Identificación:
Tipo: batea.
Nome: G. II.
Localización:
Cuadrícula n.º: 48.
Polígono: F.
Distrito: Cangas (Pontevedra).
Especies autorizadas: mexillón (Mytilus galloprovincialis).
Título habilitante: concesión.
Orde de outorgamento: 14.5.1975.
Remate de vixencia: 15.12.2019.
Identificación:
Tipo: batea.
Nome: Meira II.
Localización:
Cuadrícula n.º: 1.
Polígono: C.
Distrito: Cangas (Pontevedra).
Especies autorizadas: mexillón (Mytilus galloprovincialis).
Título habilitante: concesión.
Orde de outorgamento: 29.9.1967.
Remate de vixencia: 15.12.2019.
Actual titular: Mariscos Piscis, S.L. (B36175776).
Novo titular: Rubén Antepazo Miranda (77010142-R).
Baixo as seguintes condicións:
Primeira. A actual titular deberá presentar no prazo máximo dun mes, contado desde o día seguinte ao da publicación desta resolución no Diario Oficial de Galicia, orixinal ou fotocopia compulsada da seguinte documentación:
a) Documento notarial da transmisión ou doazón.
b) Solicitude ou carta de pagamento do imposto de transmisións patrimoniais ou documento de sucesións.
Segunda. Transcorrido o prazo indicado na condición primeira sen ter achegado a documentación requirida, a autorización quedará sen efecto, logo de comunicación por parte da consellería.
Terceira. O novo titular das concesións queda subrogado nos dereitos e obrigas do anterior, desde o momento de formalización da compra venda en escritura pública.
Contra esta resolución, que esgota a vía administrativa, poderase interpoñer recurso potestativo de reposición, no prazo dun mes, ante a conselleira do Medio Rural e do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 1 de marzo de 2012.
P.A. (Resolución 25.1.2012)
Sonia Lorenzo Santos
Xefa de Coordinación da Área do Mar en Vigo
