O artigo 5.2.º do Decreto 442/1990, do 13 de setembro, de avaliación de impacto ambiental para Galicia, dispón que os estudos de impacto ambiental se someterán ao trámite de información pública, durante trinta días hábiles, mediante anuncio no Diario Oficial de Galicia. Na súa virtude,

RESOLVO:

Someter a información pública, polo prazo de trinta días hábiles contados a partir do seguinte ao da publicación desta resolución, o estudo de impacto ambiental da concentración parcelaria nas parroquias de Santa María da Madanela, San Cristovo, Santa María de Medeiros e nos lugares da Salgueira da parroquia de San Salvador de Vilaza e A Caridade da parroquia de San Pedro de Flariz (Monterrei, Ourense).

Para os efectos informativos porase á disposición dos administrados que o soliciten a documentación correspondente ao proxecto para consulta nas oficinas desta dirección xeral, así como nas dependencias da xefatura territorial da Consellería do Medio Rural e do Mar, e as posibles alegacións presentaranse no prazo sinalado, dirixidas ao director xeral de Desenvolvemento Rural, en calquera das oficinas previstas no artigo 38.4.º da Lei 30/1992, do 26 de novembro, de réxime xurídico das administracións públicas e do procedemento administrativo común, na súa nova redacción segundo a Lei 4/1999, do 13 de xaneiro.

Santiago de Compostela, 23 de febreiro de 2012.

Antonio Crespo Iglesias
Director xeral de Desenvolvemento Rural