Convocada a provisión, polo sistema de libre designación, de dous postos de traballo vacantes no Fondo Galego de Garantía Agraria (Fogga) pola Orde do 12 de xaneiro de 2012 (DOG número 21, do 31 de xaneiro), de conformidade co disposto no artigo 29.2 do Decreto lexislativo 1/2008, do 13 de marzo, polo cal se aproba o texto refundido da Lei da función pública de Galicia, e nos artigos 16 e 17 do Decreto 93/1991, do 20 de marzo, e en uso das facultades conferidas polo artigo 17.4 do referido decreto lexislativo.
Esta consellería
DISPÓN:
Primeiro. Resolver a convocatoria pública para a provisión, polo sistema de libre designación, de dous postos vacantes no Fondo Galego de Garantía Agraría (Fogga), anunciada pola Orde do 12 de xaneiro de 2012 (DOG número 21, do 31 de xaneiro).
Segundo. Adxudicar destino, nos postos de traballo que se indican, e seleccionar o persoal que se relaciona no anexo desta orde.
Terceiro. O cesamento no destino actual do persoal que obtivo praza producirase no prazo de tres días, contados a partir do seguinte á data de publicación desta orde no Diario Oficial de Galicia.
O prazo para a toma de posesión do novo destino será de tres días a partir do seguinte ao do cesamento, de tratarse da mesma localidade onde actualmente o persoal preste servizos, ou dun mes se radica en distinta localidade, de conformidade co establecido no artigo 14 do Decreto 93/1991, do 20 de marzo, e o disposto na base sétima da convocatoria.
O cómputo de prazos de posesión iniciarase cando rematen os permisos ou licenzas que, de ser o caso, fosen concedidos ao citado persoal. Nos supostos de baixa temporal ou transitoria, iniciarase a partir da correspondente alta.
Cuarto. A xefatura do centro en que cause baixa o funcionario, así como a daquel en que obteña destino, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión.
Quinto. Contra esta orde, que pon fin á vía administrativa, as persoas interesadas poderán interpor recurso potestativo de reposición ante a conselleira do Medio Rural e do Mar, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente ante o xulgado do contencioso-administrativo competente no prazo de dous meses, contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 20 de febreiro de 2012.
Rosa M. Quintana Carballo
Conselleira do Medio Rural e do Mar
ANEXO
Apelidos e nome: Burgo Rodil, José Ángel.
NRP: 3333704246 A2063.
Grupo: A1.
Denominación do posto: subdirector/a xeral de Xestión da PAC.
Código: AG.A03.00.000.15770.001.
Nivel: 30.
Corpo/escala: corpo facultativo superior da Xunta de Galicia, escala de enxeñeiros agrónomos.
Dependencia: Fondo Galego de Garantía Agraria (Fogga).
Localidade: Santiago de Compostela.
Apelidos e nome: López López, Fernando.
NRP: 3331127546 A2077.
Grupo: A2.
Denominación do posto: xefe/a do Servizo Territorial.
Código: AG.A99.10.000.27001.001.
Nivel: 28.
Corpo/escala: corpo facultativo de grao medio da Xunta de Galicia, escala de enxeñeiros técnicos agrícolas.
Dependencia: Servizo Territorial do Fondo Galego de Garantía Agraria (Fogga).
Localidade: Lugo.
