O texto refundido da Lei de portos do Estado e da mariña mercante, Real decreto lexislativo 2/2011, do 5 de setembro, no seu artigo 30 atribúelles ás comunidades autónomas as facultades de designación e separación dos vogais dos consellos de administración das autoridades portuarias de interese do Estado situadas no seu territorio, que se deberán facer necesariamente por proposta das administracións públicas e organismos e entidades que aqueles representen.
O Acordo do Consello da Xunta de Galicia do 16 de setembro de 2010 faculta a persoa titular da consellería competente en materia de portos para o exercicio das devanditas competencias.
Por outra banda, a teor do previsto no Acordo do Consello da Xunta de Galicia do 6 de xuño de 2002, no cal se fixou a composición do Consello de Administración da Autoridade Portuaria de Ferrol-San Cibrao, nel intégranse un representante dos concellos de Cervo e Xove, que alternarán cada dous anos.
Tendo en conta que mediante a Orde do 25 de novembro de 2009 (DOG núm. 240, do 10 de decembro) se dispuxo o nomeamento de vogal en representación do Concello de Cervo, transcorrido o período de dous anos antes indicado, cómpre agora nomear como vogal o representante do Concello de Xove.
Polo exposto, en exercicio da facultade atribuída,
DISPOÑO:
Por proposta do alcalde-presidente do Concello de Xove, o nomeamento como vogal no Consello de Administración da autoridade portuaria de Ferrol - San Cibrao de José Demetrio Salgueiro Rapa.
Santiago de Compostela, 23 de febreiro de 2012.
Rosa María Quintana Carballo
Conselleira do Medio Rural e do Mar