O Pleno da Corporación, na sesión ordinaria que tivo lugar o 25 de xaneiro de 2012, adoptou o seguinte acordo:

Aprobar definitivamente o estudo de detalle, promovido por Auténtica Generación Distribuida de Castilla y León, S.L. (AGD CyL, S.L.), co obxecto de definir a ordenación de volumes correspondentes á agrupación das parcelas 23-24 do parque empresarial da Trabe (Cedeira), redactado por Lorena Pardiñas Lamas (C.O.A.G. 3012).

Este acordo supón o levantamento da suspensión de outorgamento de licenzas no ámbito regulado polo estudo de detalle.

O acto de aprobación definitiva do citado estudo de detalle foi comunicado á Consellería de Medio Ambiente, Territorio e Infraestruturas o 7 de febreiro de 2012, en cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, e déuselle traslado, así mesmo, de dous exemplares do instrumento aprobado definitivamente con todos os planos e os documentos que o integran debidamente dilixenciados pola Secretaría do Concello.

Contra este acordo plenario, que pon fin á vía administrativa, poderá interpoñerse de xeito previo e potestativamente recurso de reposición no prazo dun mes contado desde o día seguinte ao da publicación do presente anuncio, ante o Pleno do Concello de Cedeira, de conformidade cos artigos 116 e 117 da Lei 30/1992, de réxime xurídico das administracións públicas e do procedemento administrativo común, ou directamente poderá interpoñerse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, de conformidade cos artigos 8, 9 e 10 da Lei 29/1998, reguladora da xurisdición contencioso-administrativa, no prazo de dous meses contados desde o día seguinte ao da publicación do presente anuncio, de conformidade co artigo 46 da Lei da xurisdición contencioso-administrativa.

Cedeira, 7 de febreiro de 2012.

Leopoldo Rubido Ramonde
Alcalde