Aprobado inicialmente polo Concello Pleno, en sesión que tivo lugar o día 27 de xaneiro de 2012, a modificación puntual n.º 1 do Plan Xeral de Ordenación Municipal do Concello de Amoeiro que ten por obxecto a incorporación do asentamento poboacional de Vendanova como núcleo rural común, e de conformidade co disposto no artigo 85.2 da Lei 9/2002, do 30 de decembro, de ordenación urbanística e protección do medio rural de Galicia, modificada pola Lei 15/2004 e pola Lei 2/2010, sométese a información pública polo prazo de dous meses, mediante anuncio que se publicará no DOG e nos xornais La Región e La Voz de Galicia, computándose o dito período desde o día seguinte ao da publicación deste anuncio no DOG, co fin de que se poida examinar o seu contido e presentar as alegacións ou observacións que se estimen oportunas.
Queda suspendido o outorgamento de licenzas dentro do ámbito afectado (Vendanova), a suspensión terá unha duración máxima de dous anos contados desde a devandita aprobación e en calquera caso extinguirase coa aprobación definitiva da citada modificación.
Amoeiro, 16 de febreiro de 2012.
Rafael Rodríguez Villarino
Alcalde presidente