Elena María Varela Luaces, secretaria xudicial do Xulgado do Social número 1 de Santiago de Compostela (A Coruña), fago saber que no procedemento de execución de títulos xudiciais 46/2011 deste xulgado do social, seguido por instancia de Ángel Cristóbal Chenlo Lobato contra a empresa Natividad Alonso Acuña sobre cantidade, trabouse embargo sobre o seguinte ben titularidade do falecido Antonio García Rey:

Predio número 15.459 inscrito no Rexistro da Propiedade n.º 1 de Santiago de Compostela.

Faise saber aos herdeiros de Antonio García Rey que, no prazo de cinco días, poderán comparecer na presente execución e entenderanse as dilixencias con eles, facéndolles saber que se non o verifican continuarase a vía de constrinximento contra o ben referido, e as resolucións que se diten notificaránselles no taboleiro de anuncios deste xulgado.

Santiago de Compostela, 6 de febreiro de 2012.

A secretaria xudicial