En cumprimento do disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública o expediente n.º 2010/119, tramitado por instancia de Destilados Artesanos de Galicia, S.L., para a concesión de licenza de apertura e funcionamento de elaboración e embotellamento de licores, que se instalará en Amieiro Longo, n.º 16 - Trasera n.º 3, na parroquia de Sanguiñeda deste municipio. Durante o prazo de vinte días, contados a partir do seguinte ao da última publicación deste edicto no Boletín Oficial da provincia e Diario Oficial de Galicia, o expediente encóntrase á disposición do público nas oficinas municipais co fin de que quen se considere afectado pola actividade poida examinalo e deducir, se for o caso, as alegacións e observacións que teñan por convenientes.
Mos, 13 de xaneiro de 2012.
Julia Loureiro Campo
Concelleira de Urbanismo