Cparra Hostur, S.L., solicitou a licenza de explotación de cantina e albergue na antiga estación de ferrocarril de Baños de Molgas, sometida a avaliación de incidencia ambiental, e neste concello tramítase o oportuno expediente.

En cumprimento da lexislación vixente sobre actividades molestas, insalubres, nocivas e perigosas, procédese a abrir un período de información pública polo prazo de vinte días mediante anuncio no Diario Oficial de Galicia e no Boletín Oficial da provincia para que, quen se vexa afectado dalgún modo pola dita actividade, presente as observacións que considere pertinentes.

O expediente obxecto desta información pódese consultar nas oficinas municipais en horario de oficina, das 8.30 ás 14.30 horas.

Baños de Molgas, 2 de febreiro de 2012.

Eladio Mangana Nóvoa
Alcalde