Antonio Pérez Patiño, actuando en nome de Comercial Malasa, S.L. e de Promotora Inmobiliaria Nevolido, S.L., solicitoulle a esta Alcaldía unha licenza de obra e actividade para exercer unha actividade comercial de almacén de perfilaría metálica.

Esta empresa situaríase na parcela número 35 (nave 1) do Polígono Industrial do Acevedo (Cerceda).

Xa que esta solicitude cumpre o disposto no Decreto 133/2008, do 12 de xuño, de avaliación de incidencia ambiental, sométese esta á información pública durante un prazo de 20 días co fin de que as persoas que dalgún xeito se consideraren afectadas pola actividade que se pretende instalar a poidan examinar na Área de Medio Ambiente e Sanidade deste concello e formular por escrito as reclamacións ou observacións que se estimaren oportunas.

Este prazo de 20 días comezará a contar a partir do día seguinte ao día que se publique o presente edicto no Boletín Oficial da provincia da Coruña e no Diario Oficial de Galicia.

Cerceda, 23 de xaneiro de 2012.

José García Liñares
Alcalde