Rafael González Alió, secretario do Social número 1 de Lugo, fago saber que por resolución ditada no proceso seguido por instancia de José Luis Quiroga López contra Lemos Móvil, S.L., en reclamación por ordinario, rexistrado co número 974/2011, acordouse citar a Lemos Móvil, S.L., en ignorado paradoiro, co fin de que compareza o día 14.12.2012 ás 10.30, para a realización dos actos de conciliación e, se é o caso, xuízo, que terán lugar na sala de vistas deste Xulgado do Social número 1 sito na rúa Armando Durán, 1, 4.º, de Lugo, debendo comparecer persoalmente ou mediante persoa legalmente apoderada, e con todos os medios de proba de que intente valerse, coa advertencia de que é única convocatoria e que os ditos actos non se suspenderán por falta inxustificada de asistencia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

E para que sirva de citación a Lemos Móvil, S.L., expídese esta cédula para a súa publicación no Diario Oficial de Galicia.

Lugo, 31 de xaneiro de 2012.

O secretario xudicial