Juan Carlos Guerrero Sahuquillo, en representación de Aguas de Mondariz Fuente del Val, S.L., solicitou desta alcaldía licenza municipal para a actividade de fabricación de bebidas non alcohólicas, produción de augas minerais e outras augas embotelladas nunha nave industrial sita na avda. do Val en Mondariz. Sométese a información pública por un período de vinte días, mediante anuncio que se publicará no Boletín Oficial da provincia e no Diario Oficial de Galicia, co fin de que durante este, que comezará a contarse desde o día seguinte ao da inserción da última publicación deste anuncio nos citados boletíns, poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretende instalar e formular por escrito as reclamacións ou observacións que se consideren oportunas.

Mondariz, 23 de novembro de 2011.

Julio Alén Montes
Alcalde