O artigo 11 da Lei 4/2006, do 30 de xuño, de transparencia e de boas prácticas na Administración pública galega, impón a cada consellería da Xunta de Galicia a obriga de publicar no Diario Oficial de Galicia unha relación dos convenios subscritos.
En consecuencia, e para lle dar cumprimento a esa obriga,
DISPOÑO:
Artigo único.
Darlle publicidade á relación dos convenios subscritos pola extinta Consellería de Cultura e Turismo nos meses de setembro, outubro, novembro e decembro do ano 2011, que se incorpora como anexo a esta resolución.
Santiago de Compostela, 20 de xaneiro de 2012.
Jesús Oitavén Barcala
Secretario xeral técnico da Consellería de Cultura,
Educación e Ordenación Universitaria
ANEXO
|
Título |
Data sinatura |
Importe |
|
Terceira addenda ao convenio de colaboración entre a Consellería de Cultura e Turismo e o Concello de Verín para financiar a tramitación dun concurso de ideas para levar a cabo a redacción do proxecto do novo centro cultural de Verín. |
16.9.2011 |
|
|
Convenio de colaboración entre a Xunta de Galicia, a través da Consellería de Cultura e Turismo, e o Concello de Sober para a remodelación do miradoiro do canón do Sil Cotarro I en Sober (Lugo). |
22.10.2011 |
176.794,61 € |
|
Convenio entre a Consellería de Cultura e Turismo da Xunta de Galicia e o Concello de Zas para a creación e integración na Rede de Bibliotecas de Galicia da axencia de lectura municipal dependente deste. |
4.10.2011 |
0,00 € |
|
Addenda ao convenio entre a Xunta de Galicia, a través da Consellería de Cultura e Turismo, e o Concello de Bande para o acondicionamento do espazo expositivo de Aquis Querquennis situado en Porto Quintela, Bande, Ourense. |
22.11.2011 |
0,00 € |
|
Convenio de colaboración entre a Consellería de Cultura e Turismo e a Universidade de Santiago de Compostela para o desenvolvemento de programas de voluntariado. |
19.12.2011 |
|
|
Convenio de cooperación cultural entre a Consellería de Cultura e Turismo da Xunta de Galicia e o Concello de Valga para a rehabilitación dun edificio anexo ao museo de Valga destinado a actividades culturais, cofinanciado polo Fondo Europeo de Desenvolvemento Rexional no marco do Programa operativo Feder Galicia 2007-2013. |
8.6.2011 |
50.000,00 € |
|
Addenda ao convenio de cooperación cultural entre a Consellería de Cultura e Turismo da Xunta de Galicia e o Concello de Valga para a rehabilitación dun edificio anexo ao museo de Valga destinado a actividades culturais, cofinanciado polo Fondo Europeo de Desenvolvemento Rexional no marco do Programa operativo Feder Galicia 2007-2013. |
20.9.2011 |
|
|
Convenio de colaboración entre a Consellería de Cultura e Turismo e a Asociación Pazos de Galicia para as accións de promoción da marca Galicia a través dos claims Galicia, me guardas el secreto e El secreto mejor guardado de Galicia. |
11.8.2011 |
38.000,00 € |
