Ao abeiro do previsto no artigo 235 da Lei 9/2002, do 30 de decembro, de ordenación urbanística e protección do medio rural de Galicia (LOUG), o día 29 de decembro de 2011 procedeuse á sinatura do Convenio urbanístico entre o Concello de Santiago de Compostela e Layetana para a execución do planeamento na Finca do Espiño.
En aplicación do procedemento regulado polo artigo 237 da LOUG, sométese o citado convenio ao trámite de información pública, polo prazo de vinte días hábiles, contados a partir do día seguinte ao da publicación deste anuncio no Diario Oficial de Galicia. Durante este prazo, os interesados poderán consultar o expediente na Sección de Planeamento e Xestión e formular as alegacións que xulguen oportunas.
A eficacia do convenio queda condicionada en todo caso á ulterior ratificación do seu texto definitivo, polo Pleno municipal, unha vez que se cumpra o trámite de información pública.
Santiago de Compostela, 3 de xaneiro de 2012.
Gerardo Conde Roa
Alcalde