Con data do 15 de decembro de 2011, a xefa do Servizo de Ditames e Informes da Axencia de Protección da Legalidade Urbanística, en contestación á petición do interesado Óscar Miniño Otero de data do 5 de decembro de 2011 remítelle copia do requirimento previo presentado contra a resolución da directora da Axencia de Protección da Legalidade Urbanística con data do 21 de setembro de 2011. Así mesmo, comunícalle que na súa condición de interesado, de conformidade co artigo 35.a) da Lei 30/1992, do 26 de novembro, o expediente relacionado atópase á disposición do interesado na Axencia de Protección da Legalidade Urbanística, sita no edificio Witland, 1.º andar, Salgueiriños, en Santiago de Compostela, para a súa consulta.
Para que conste e lle sirva de notificación ao citado interesado, en cumprimento do disposto no artigo 59.5 da LRXPAC, expido e asino esta cédula.
Santiago de Compostela, 16 de xaneiro de 2012.
María Martínez Allegue
Directora da Axencia de Protección da Legalidade Urbanística