A secretaria xeral de Modernización e Innovación Tecnolóxica da Xunta de Galicia, en virtude das facultades que lle confire o Decreto 325/2009, do 18 de xuño, de estrutura orgánica dos órganos superiores dependentes da Presidencia da Xunta de Galicia, e o Decreto 82/2009, do 21 de abril, polo que se establecen os centros directivos dependentes da Presidencia da Xunta de Galicia, resolveu adxudicar os seguintes contratos de subministracións e servizos:
Contratación, suxeita a regulación harmonizada, polo procedemento aberto e tramitación ordinaria, do servizo de administración, xestión técnica, control, operación e mantemento da infraestrutura da Rede Corporativa de Voz e Datos da Xunta de Galicia (expediente 26/2011).
Adxudicatario: Unisys, S.L.U.
Orzamento: 1.787.281,00 euros (sen IVE).
Formalización: 2.12.2011.
Contratación, suxeita a regulación harmonizada, polo procedemento aberto e tramitación ordinaria, do servizo de soporte tecnolóxico para o impulso da incorporación das novas tecnoloxías nos concellos (expediente 41/2011).
Adxudicatario: Everis Spain, S.L.
Orzamento: 433.001,98 euros (sen IVE).
Formalización: 20.12.2011.
O que se fai público para os efectos do previsto no artigo 138 da Lei 30/2007, de contratos do sector público.
Santiago de Compostela, 18 de xaneiro de 2012.
Mar Pereira Álvarez
Secretaria xeral de Modernización e Innovación Tecnolóxica