Por acordo da Xunta de Goberno local, na sesión que tivo lugar o día 9 de xaneiro de 2012, aprobouse o prego de cláusulas administrativas particulares do procedemento aberto, cun só criterio de adxudicación, para o alleamento dun vehículo de propiedade do Concello de Barbadás, conforme ás seguintes características:
1. Entidade adxudicadora: Concello de Barbadás (Ourense).
2. Obxecto: alleamento dun autobús eléctrico E-GO matrícula E-5078BFM, propiedade do Concello de Barbadás.
3. Tramitación: procedemento aberto cun só criterio de adxudicación.
4. Prezo do contrato. Prezo de saída: 16.700 € (dezaseis mil setecentos euros).
5. Garantías: non se exixe garantía provisional nin definitiva.
6. Requisitos xerais: os sinalados no prego de cláusulas administrativas.
7. Obtención de información: Departamento de Secretaría, Concello de Barbadás. Cimadevila, 1, 32890 Barbadás (Ourense). Tfno.: 988 36 00 00/01. Fax: 988 36 04 01.
8. Prazo de presentación de solicitudes: as solicitudes deberán ser entregadas no Rexistro Xeral do Concello de Barbadás, das 9.00 ás 14.00 horas, no prazo de quince (15) días naturais, contado desde o seguinte ao da publicación do último anuncio nos boletíns oficiais.
Cando se envíe a documentación por correo, o empresario deberá xustificar a data de imposición do envío na oficina de Correos e anunciar ao órgano de contratación a remisión da oferta mediante télex, fax ou telegrama no mesmo día.
Barbadás, 10 de xaneiro de 2012.
José Manuel Freire Couto
Alcalde