Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:
Solicitante: Unión Fenosa Distribución, S.A.
Domicilio social: A Batundeira 2, 32960 Velle.
Denominación: ampliación do C.T. O Sifón II.
Situación: Avión.
Descricións técnicas: L.M.T. subterránea a 20 kV de 10 m, con condutor R.H.Z.1 e orixe na L.M.T. ao C.T. O Sifón II (expediente 2009/101) e remate no C.T. proxectado de 400 kVA e R/T 20.000/400-230 V que substitúe o C.T. autorizado no expediente 2009/101. Orzamento: 30.386,55 euros.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra esta resolución poderá interpoñer recurso de alzada, ante o conselleiro de Economía e Industria, no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que xulgue pertinente ao seu dereito.
Ourense, 3 de xaneiro de 2012.
Gabriel Diéguez Domínguez
Xefe territorial de Ourense