Na Sala do Contencioso-Administrativo do Tribunal Superior de Xustiza de Galicia, Sección Primera, tramítase o recurso 798/2011 (procedemento ordinario), interposto polo Consello Xeral de Colexios Oficiais de Médicos, contra a Orde do 6 de xullo de 2011 pola que se establecen as bases do procedemento para a reavaliación de determinadas xefaturas de persoal licenciado sanitario do Servizo Galego de Saúde (publicada no Diario Oficial de Galicia núm. 144, do 28 de xullo de 2011).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 30 de decembro de 2011.

Esperanza Fernández Lago
Directora de Recursos Humanos