O Concello Pleno, en sesión ordinaria do día 23 de decembro de 2011, adoptou, entre outros e por unanimidade dos membros presentes da Corporación, o seguinte acordo:
Aprobar definitivamente o Plan especial de infraestruturas e dotacións, redactado por Aurelio Outeiriño Fernández e Alberto de Paula Prieto, arquitectos, coa modificación da ordenanza 2.ª «equipamento asistencial público».
Réxime de recursos: este acto pon fin á vía administrativa e contra el poderá interpoñerse recurso contencioso-administrativo ante o órgano xurisdicional competente, no prazo de dous meses contados a partir do día seguinte a aquel en que se notifique, conforme o establecido nos artigos 52 da Lei 7/1985, do 2 de abril, 194 e concordantes do Real decreto 2568/1986, do 28 de novembro, 58 da Lei 30/1992, do 26 de novembro, así como os artigos 10 e 46 da Lei 29/1998, do 13 de xullo. Previa e potestativamente, poderase interpor recurso de reposición, de conformidade co artigo 116 da Lei 30/1992, no prazo dun mes. Tamén se poderá interpor o recurso extraordinario de revisión cando concorra algunha das circunstancias previstas no artigo 118 da dita lei, nos prazos establecidos no número 2 do mesmo artigo 118. Todo isto sen prexuízo do dereito dos interesados a formular a solicitude e a instancia a que se refiren os artigos 102.1 e 105.2 da dita lei.
Con data do 11 de xaneiro de 2012 recibiu o expediente a Consellería de Medio Ambiente, Territorio e Infraestruturas.
O que se fai público de conformidade co disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia.
Chandrexa de Queixa, 11 de xaneiro de 2012.
Francisco Rodríguez Rodríguez
Alcalde presidente