M. Socorro Bazarra Varela, secretaria xudicial da Sala do Social do Tribunal Superior de Xustiza da Coruña, fago saber que no procedemento de recurso de suplicación concursal 3779/2011, seguido por instancia de Unión Xeral de Traballadores de Galicia (UGT) contra a empresa Explotaciones Cerámicas Españolas, S.A., Admón. concursal Explotaciones Cerámicas Españolas, S.A., Alberto García Mozo e outros, sobre resolución de contrato, se ditou a seguinte resolución:

«Que, considerando o recurso de suplicación interposto por UGT Galicia, contra o Auto do 24 de maio de 2011, ditado polo Xulgado do Mercantil número 2 de Lugo, en autos de incidente concursal 327/2011, seguidos pola empresa Explotaciones Cerámicas Españolas, S.A, declaramos a nulidade da resolución obxecto de recurso e devolvemos os autos ao xulgado de procedencia para que, coa reposición dos autos ao momento do ditado desta, o dito xulgado proceda a ditar auto en forma legal, facendo constar a antigüidade dos traballadores afectados pola extinción colectiva, o período de duración da suspensión colectiva, e motivando adecuadamente ambas as dúas decisións.

Notifíqueselles esta resolución ás partes e á Fiscalía do Tribunal Superior de Xustiza de Galicia, facéndolles saber que, contra ela, só cabe recurso de casación para a unificación de doutrina que se preparará por escrito ante esta Sala do Social, dentro dos dez días seguintes ao da notificación desta sentenza e de acordo coa Lei de xurisdición social. Se a recorrente non estiver exenta de depósito e consignación para recorrer, deberá ingresar:

– A cantidade obxecto de condena na c/c desta sala no Banco Banesto n.º 1552 0000 80 (n.º de recurso) (dúas últimas cifras do ano).

– O depósito de 600 euros na c/c desta sala n.º 1552 0000 35 (n.º de recurso) (dúas últimas cifras do ano).

Unha vez firme, expídase certificación para constancia na peza que se arquivará neste tribunal, incorporando o orixinal ao correspondente libro de sentenzas, logo de devolución dos autos ao Xulgado do Social de procedencia.

Así, por esta nosa sentenza, pronunciámolo, mandámolo e asinámolo».

E para que así conste, para os efectos da súa publicación no DOG, co fin de que lle sirva de notificación en forma a Justo Manuel García Seoane, con último domicilio coñecido c/ Manuel Murguía, 6-4.º A, 27880 Burela (Lugo), coa advertencia de que as seguintes comunicacións se farán en estrados, salvo as que deban revestir forma de auto ou sentenza ou se trate de emprazamento, expido e asino este edicto na Coruña, 3 de xaneiro de 2012.

A secretaria xudicial