O artigo 28 do vixente Estatuto de autonomía de Galicia establece no seu punto 2.º a competencia da Comunidade Autónoma de Galicia para o desenvolvemento lexislativo e a execución da lexislación do Estado en materia de expropiación forzosa.

Con data do 17 de xaneiro de 2011, a directora xeral de Infraestruturas, por delegación da conselleiro de Medio Ambiente, Territorio e Infraestruturas, procede á aprobación do proxecto de construción para mellora de interseccións nos p.q. 17+600 (O Pibidal) e 22+000 (Casanova) na LU-750, no termo municipal de Baleira (clave LU/10/087.06).

Con data do 12 de maio de 2011, a Xunta de Galicia procedeu á declaración de utilidade pública e de urxente ocupación dos bens e dereitos necesarios para os efectos de expropiación para a mencionada obra, mediante o Decreto 93/2011, publicado no DOG n.º 100, do 25 de maio.

Na súa virtude, e en cumprimento do disposto no artigo 52 da vixente Lei de expropiación forzosa, do 16 de decembro de 1954, e 56 e seguintes do regulamento para a súa aplicación, este servizo provincial, no uso das facultades que lle confire o artigo 98 da mencionada lei, resolve convocar os titulares de bens e dereitos afectados para que comparezan no lugar, na data e nas horas que se citan, para proceder ao levantamento das actas previas á ocupación, nas cales se recollerán os datos necesarios para determinar os bens e dereitos afectados e os prexuízos derivados da rápida ocupación, sen prexuízo de se trasladaren ao lugar dos predios, se o consideran necesario.

– Concello de Baleira:

Día: 28 de febreiro de 2012.

Na casa do concello (avenida Doutor Escobar, s/n).

Horario: das 10.00 ás 10.30 horas.

Titulares: Graña López, José e Lombardero Villadóniga, Constantino.

Na casa do concello (avenida Doutor Escobar, s/n).

Horario: das 10.30 ás 11.00 horas.

Titulares: Portela Fernández, Jesús e Vázquez Sarceda, Remedios.

Na casa do concello (avenida Doutor Escobar, s/n).

Horario: das 11.00 ás 11.30 horas.

Titulares: Valiño Vega, César.

A relación de titulares cos bens e dereitos afectados, así como os planos parcelarios correspondentes, estarán expostos no Concello de Baleira e no Servizo de Infraestruturas de Lugo (rolda da Muralla, 70 27071 Lugo).

Ao dito acto deberán acudir os titulares afectados, persoalmente ou ben representados pola persoa debidamente autorizada para actuar no seu nome, e achegar os documentos acreditativos da súa titularidade, documento nacional de identidade e último recibo da contribución, e poden ir acompañados, pola súa conta, se o consideran oportuno, dos seus peritos e de notario.

Así mesmo, e no cumprimento do establecido no artigo 56 do regulamento da Lei de expropiación forzosa, ábrese información pública durante o prazo de 15 días hábiles, contados a partir do seguinte ao da publicación desta resolución no Boletín Oficial del Estado, ou ata o momento do levantamento das actas previas á ocupación correspondente, co fin de que os interesados poidan formular por escrito, ante este Servizo de Infraestruturas de Lugo, as alegacións que consideren pertinentes co obxecto de emendar posibles erros padecidos ao relacionar os bens afectados pola urxente ocupación.

Lugo, 28 de decembro de 2011.

Gerardo Pallares Sánchez
Xefe do Servizo de Infraestruturas de Lugo