Visto o expediente para o outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Eléctrica de Fuciños Rivas.
Domicilio social: rúa Rocamor 2, 15800 Melide (A Coruña).
Denominación: L.M.T.S. Santa María-Clara Campoamor.
Situación: concello de Melide.
Características técnicas:
– Liña aérea de media tensión 15/20 kV, cunha lonxitude de 1,795 km, coa orixe no C.T. Santa María (IN407A 19/2010) e final no C.T. Clara Campoamor, en condutor R.H.Z.1-OL 3×1×240 mm2.
– Dúas celas de liña de M.T. que se van instalar no C.T. Santa María e o C.T. Clara Campoamor.
Cumpridos os trámites ordenados na Lei 54/1997, do 27 de novembro (BOE n.º 285), do sector eléctrico, e no título VII, capítulo II do Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguranza establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 19 de decembro de 2011.
P.A. (Artigo 39.3 do Decreto 324/2009, DOG n.º 117, do 17 de xuño)
Isidoro Martínez Arca
Xefe do Servizo de Administración Industrial