Óscar José González Gil, en nome e representación de Reciclados Xinzo, S.L.U., solicitou licenza municipal para a actividade de restauración e repoboación da canteira de Alxén, que se sitúa na Fraga do Rei, na parroquia de Alxén. De conformidade co establecido no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, ábrese un trámite de información pública mediante inserción de anuncio no BOP de Pontevedra, no DOG e no taboleiro de edictos do concello, por período de vinte días hábiles contado desde o seguinte ao da publicación do anuncio no último dos boletíns en que apareza, co fin de que durante este tempo poidan examinar o expediente, na secretaría municipal, todos aqueles interesados que se consideren afectados pola actividade que se pretende instalar e formular por escrito as reclamacións ou observacións que estimen oportunas.
Salvaterra de Miño, 2 de novembro de 2011.
Arturo Grandal Vaqueiro
Alcalde