Aprobado mediante Resolución da Alcaldía do 22 de decembro de 2011 o prego de cláusulas administrativas particulares e prescricións técnicas que rexerán na licitación, mediante procedemento aberto, para contratar o servizo de asistencia técnica informática de hardware, software e xestión das redes e seguridade de datos do Concello de Redondela, faise público, para os efectos de presentación de proposicións e ofertas polos licitadores interesados o seguinte anuncio:
1. Entidade adxudicadora: organismo: Concello de Redondela. Dependencia: Servizo de Contratación.
2. Obxecto do contrato: prestación do servizo de asistencia técnica informática de hardware, software e xestión das redes e seguridade de datos do concello.
Lugar de execución: Redondela (Pontevedra).
Prazo de execución: dous (2) anos, que se poderán prorrogar por outros dous períodos dun (1) ano sen que a duración total do contrato, incluídas as posibles prórrogas, poida exceder os catro (4) anos.
3. Tramitación e procedemento:
Tramitación: ordinaria.
Procedemento: aberto.
4. Garantía provisional: non se exixe.
5. Garantía definitiva: 5% do importe de adxudicación, IVE excluído, referido aos dous primeiros anos de contrato.
6. Obtención da documentación e información: oficina de Contratación do Concello de Redondela; planta baixa da casa do concello. Alfonso XII, 2 de Redondela; teléfono (986) 40 03 00, fax: (986) 40 38 94.
Data límite para solicitar documentación: ata o día de finalización do prazo de presentación de proposicións.
7. Requisitos específicos do contratista: clasificación: non.
Deberase acreditar a solvencia económica, financeira e técnica na forma prevista na cláusula 5.ª do prego de cláusulas administrativas particulares.
8. Orzamento base de licitación: 112.000,00 euros, IVE excluído, tendo en conta a duración total do contrato incluíndo a súa posible prórroga, a razón de 28.000,00 euros, IVE excluído, para o primeiro ano.
9. Presentación de ofertas: prazo: quince (15) días naturais desde o seguinte ao da última publicación do anuncio no BOP, no DOG ou no perfil do contratante. Se o último día do prazo coincidise en sábado ou día inhábil, o prazo entenderase prorrogado ata o seguinte día hábil.
Documentación: a exixida na cláusula 10.ª do prego de cláusulas administrativas.
Lugar de presentación: Rexistro Xeral do Concello de Redondela, ata as 13.30 horas do último día de prazo.
Prazo da obriga de manter a oferta: tres meses contados desde o día da apertura de proposicións.
10. Apertura de ofertas: data e hora: 14.00 horas do terceiro día hábil seguinte á data en que conclúe o prazo de presentación (agás sábados).
11. Gastos de publicidade: serán por conta do adxudicatario ata un máximo de 1.800,00 euros.
12. Páxina web para a obtención de información: www.redondela.es
Redondela, 22 de decembro de 2011.
Javier Bas Corugeira
Alcalde