Antecedentes.
Por comunicación do Xulgado de Primeira Instancia e Instrución Único de Ortigueira (A Coruña), iniciouse o procedemento para o recoñecemento da Comunidade Autónoma de Galicia como herdeira ab intestato de José Manuel Aneiros Roquer, con DNI 32587612-Q, de acordo co disposto nos artigos 153 e 154 da Lei 4/1995, do 24 de maio, de dereito civil de Galicia, que regulan a sucesión intestada a favor da Comunidade Autónoma de Galicia, norma de aplicación neste caso dada a data de finamento do causante, 23 de agosto de 2002, na cidade de Ferrol.
Por auto do 13 de setembro de 2005 do Xulgado de Primeira Instancia e Instrución Único de Ortigueira declarouse a Comunidade Autónoma de Galicia única e universal herdeira ab intestato do causante.
O 14 de maio de 2007 publicouse no Diario Oficial de Galicia o anuncio polo que se lle daba publicidade á apertura do prazo de información pública do expediente de sucesión intestada, presentando a Consellería de Cultura e Deporte, hoxe Consellería de Cultura e Turismo, e a Vicepresidencia da Igualdade e do Benestar, agora Consellería de Traballo e Benestar, respectivas solicitudes de adxudicación da herdanza.
Fundamentos xurídicos.
Lei 4/1995, do 24 de maio, de dereito civil de Galicia, artigos 153 e 154.
Decreto 94/1999, do 25 de marzo, sobre réxime administrativo da sucesión intestada a favor da Comunidade Autónoma de Galicia.
Lei 3/1985, do 12 de abril, do patrimonio da Comunidade Autónoma galega.
Decreto 50/1989, do 9 de marzo, polo que se aproba o regulamento que executa a Lei 3/1985.
Lei 30/1992, do 26 de novembro, de réxime xurídico das administracións públicas e do procedemento administrativo común.
Código civil.
Adoptadas pola Secretaría Xeral Técnica e do Patrimonio as oportunas medidas de conservación e administración, presentada a conta xeral de liquidación da herdanza e feitas as correspondentes propostas de distribución dos bens hereditarios,
RESOLVO:
Primeiro. Estimar conforme a seguinte conta xeral de liquidación da herdanza de José Manuel Aneiros Roquer:
a) Bens e dereitos: |
||||
– Tesouraría: |
||||
Caixa Galicia número c/c: 20910200063000779405 |
9.773,73 euros. |
|||
Total de bens e dereitos: |
9.773,73 euros. |
|||
b) Obrigas e débedas: |
||||
– Non constan. |
||||
Total obrigas e débedas: |
0,00 euros. |
|||
Total líquido (bens e dereitos-obrigas e débedas): |
9.773,73 euros. |
Segundo. Acordar a adxudicación do capital líquido remanente, 9.773,73 euros, á Consellería de Cultura e Turismo e á Consellería de Traballo e Benestar para a súa aplicación a establecementos de asistencia social ou institucións culturais, preferentemente radicados na derradeira residencia habitual do causante, municipio de Ferrol, e, en todo caso, en territorio galego.
Terceiro. Esta resolución pon fin á vía administrativa e contra ela poderase interpor recurso potestativo de reposición no prazo dun mes, contado desde o día seguinte ao da súa publicación, ante este órgano administrativo, de conformidade cos artigos 107, 109 e 116 da Lei 30/1992, de réxime xurídico das administracións públicas e do procedemento administrativo común; ou ben presentar directamente recurso contencioso-administrativo, no prazo de dous meses, contados a partir do día seguinte ao da súa publicación, perante a Sala do Contencioso-Administrativo do Tribunal Superior de Xustiza de Galicia, conforme o disposto nos artigos 46, 10 e 14 da Lei 29/1998, reguladora da xurisdición contencioso-administrativa, sen prexuízo de que o interesado poida exercer calquera outro recurso que coide oportuno.
Santiago de Compostela, 20 de decembro de 2011.
P.D. (Orde 27.4.2009)
Rosa M.ª Pedrosa Pedrosa
Secretaria xeral técnica e do Patrimonio da Consellería de Facenda