Unha vez solicitada por Espército Álvarez Vázquez a licenza de cambio de orientación zootécnica dunha explotación de porcino que pasa de ciclo pechado para 60 nais a ceba para 800 animais no lugar das Cerdeiras (Armental) e sometida a avaliación de incidencia ambiental, neste concello tramítase o oportuno expediente.

En cumprimento da lexislación vixente sobre actividades molestas, insalubres, nocivas e perigosas, procédese á apertura do período de información pública polo prazo de vinte días mediante anuncio no Diario Oficial de Galicia e no Boletín Oficial da provincia para que, quen se vexa afectado dalgún xeito pola dita actividade, presente as observacións que considere pertinente.

O expediente obxecto desta información pódese consultar nas oficinas municipais en horario de oficina.

A Peroxa, 14 de decembro de 2011.

Manuel Seoane Rodríguez
Alcalde