A Xunta de Goberno local, en sesión ordinaria que tivo lugar o día 23 de novembro de 2011, aprobou inicialmente polo procedemento de taxación conxunta o proxecto de expropiación parcial do solo e das construcións acaroadas ao convento das Reverendas Madres Agustinas na praza de Santo Domingo en Lugo, na calella do Hospital e carril do Son, cos seguintes documentos que regulamentariamente o integran:
a) Determinación do ámbito territorial.
b) Fixación de prezos coa clasificación razoada do solo.
c) Follas de prezo xusto individualizadas de cada parcela.
A superficie para expropiar é de 441 m2. A valoración total ascende á cantidade de 102.826,22 €, segundo a relación de propietarios afectados que a continuación se detalla:
Parcela |
Propiedade |
Superficie |
Valoración |
Única |
Reverendas Madres Agustinas de Lugo Q2700018A Convento das Reverendas Madres Agustinas Praza de Santo Domingo, s/n, Lugo |
441 m2 |
92.934,11 € |
Aluguer |
José Pardo Agras 33583401C Rúa San Marcos, 13, 27001 Lugo |
9.430,11 € |
|
Aluguer |
Miguel Sport, S.L. B27160274 Rúa Bispo Aguirre, 7, Lugo |
462,00 € |
En cumprimento do disposto no artigo 143.2 da Lei 9/2002, do 30 de decembro, de ordenación urbanística e protección do medio rural de Galicia, o proxecto de expropiación, xunto cos documentos que se sinalan, sométese a exposición pública durante o prazo dun mes, durante o cal os interesados poderán examinar o expediente no Servizo de Urbanismo, na oficina de Xestión Urbanística, primeiro andar do edificio sito na rolda da Muralla, 197 (antigo Seminario), así como presentar as alegacións, reclamacións ou suxestións que desexen, mediante escrito dirixido á Alcaldía.
Así mesmo, publícase para os efectos de legal notificación a aqueles afectados que puidesen resultar descoñecidos, en virtude do previsto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común.
Lugo, 1 de decembro de 2011.
P.D. (Decreto Alcaldía número 70/2011)
Luis Manuel Álvarez Martínez
Tenente alcalde delegado da Área de Urbanismo