Eduardo José Castaño Barreiro, secretario xudicial do Xulgado do Social número 1 da Coruña, fago saber que no procedemento ordinario 128/2011 deste xulgado do social, seguido por instancia de José Robert Hernández Arenas contra a empresa Construcciones del Noroeste 2005, S.L., sobre ordinario, ditouse a seguinte resolución, cuxa parte dispositiva se xunta:
«Decido que, estimando en parte a demanda interposta por José Robert Hernández Arenas, con NIE 0X8241093D, contra a empresa Construcciones del Noroeste 2005, S.L., debo declarar e declaro que esta procede parcialmente, e condeno a entidade demandada a que lle aboe ao demandante a cantidade de 3.862,83 euros, máis o xuro por mora do 10%, respecto da suma de 3.672,71 euros.
Notifíquese esta sentenza ás partes, facéndolles saber que non é firme e contra ela cabe interpoñer recurso de suplicación para ante a Sala do Social do Tribunal Superior de Xustiza de Galicia, anunciándoo mediante escrito ou comparecencia ante este xulgado no prazo de cinco días contados a partir do seguinte á súa notificación. De ser recorrente a empresa demandada deberá acreditar mediante a exhibición ante este xulgado o xustificante acreditativo de depositar a cantidade obxecto de condena (clave de ingreso 1531-60) na conta deste xulgado, aberta en Banesto, podendo substituírse a consignación en metálico polo aseguramento mediante aval bancario, na cal se fará constar a responsabilidade solidaria do avalista debendo acreditar tamén na indicada conta (clave de ingreso 1531-34) a consignación da suma de 150 euros preceptiva para interpoñer recurso, sen este cumprimento non se terá por anunciado o recurso.
Así, por esta miña sentenza, definitivamente xulgando en primeira instancia, pronúncioo, mándoo e asínoo».
E para que sirva de notificación en legal forma a Construcciones del Noroeste 2005, S.L., en ignorado paradoiro, expido esta para a súa inserción no DOG.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 2 de decembro de 2011.
O secretario xudicial
