Eduardo José Castaño Barreiro, secretario xudicial do Xulgado do Social número 1 da Coruña, fago saber que no procedemento de despedimento obxectivo individual 844/2011 deste xulgado do social, seguido por instancia de Francisco Javier Boo Montero contra a empresa Instalaciones Insplajofer, S.L., sobre despedimento, ditouse a seguinte resolución, cuxa parte dispositiva se xunta:
«Decido que debo estimar e estimo integramente a demanda formulada por Francisco Javier Boo Montero, con DNI 34890238C, contra a empresa Instalaciones Insplajofer, S.L., e cualifico como improcedente o despedimento de 30.6.2011, e ante a imposibilidade de readmisión, declaro extinguida a relación laboral do demandante coa empresa demandada, con efectos de data de hoxe, día 1.12.2011, condenando á dita empresa a estar e pasar por tal declaración e a que aboe ao traballador as seguintes cantidades:
|
Indemnización |
Salarios de trámite |
|
16.683,19 € |
3.296,6 € |
Notifíquese esta sentenza ás partes, facéndolles saber que non é firme e contra ela cabe interpoñer recurso de suplicación para ante a Sala do Social do Tribunal Superior de Xustiza de Galicia, anunciándoo mediante escrito ou comparecencia ante este xulgado no prazo de cinco días contados a partir do seguinte á súa notificación. De ser recorrente a empresa demandada deberá acreditar mediante a exhibición ante este xulgado do xustificante acreditativo de depositar a cantidade obxecto de condena (clave de ingreso 60) na conta deste xulgado podendo substituírse a consignación en metálico polo aseguramento mediante aval bancario, na cal se fará constar a responsabilidade solidaria do avalista debendo acreditar tamén na indicada conta (clave de ingreso 65) a consignación da suma de 150,25 euros preceptivas para interpoñer recurso, sen este cumprimento non se terá por anunciado o recurso.
Así, por esta miña sentenza, pronúncioo, mándoo e asínoo».
E para que sirva de notificación en legal forma a Instalaciones Insplajofer, S.L., en ignorado paradoiro, expido esta para a súa inserción no DOG.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 1 de decembro de 2011.
O secretario xudicial
