De conformidade co disposto no artigo 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, faise pública a presentación da solicitude de creación do Colexio Oficial de Dietistas-Nutricionistas de Galicia, coa fin de que no prazo dun mes os interesados lexítimos poidan examinar o expediente nas dependencias da Secretaría Xeral da Consellería de Presidencia, Administracións Públicas e Xustiza (Servizo de Entidades Xurídicas e Corporativas) sita no edificio administrativo San Caetano, bloque 5-3.ª planta, en Santiago de Compostela, e formular as alegacións que consideren oportunas.
A memoria xustificativa da creación do colexio profesional, que acompaña a solicitude, prevé os seguintes ámbitos:
Territorial: Comunidade Autónoma de Galicia.
Profesional: o Colexio Oficial de Dietistas-Nutricionistas de Galicia agrupará os profesionais que estean en posesión dos seguintes títulos:
– Diplomado en Nutrición Humana e Dietética, regulado no Real decreto 433/1998, do 20 de marzo.
– Calquera titulación oficial equivalente á anterior, recoñecida ou homologada pola autoridade competente.
Asina a solicitude: José Antonio López Gómez, presidente da Asociación Galega de Dietistas e Nutricionistas.
Santiago de Compostela, 26 de decembro de 2011.
Beatriz Cuiña Barja
Secretaria xeral técnica da Consellería de Presidencia,
Administracións Públicas e Xustiza