A Xunta de Goberno local, en sesión ordinaria celebrada o día doce de decembro de dous mil once, adoptou seguinte acordo:

Aprobación inicial do estudo de detalle para ordenar a ocupación e reaxustar as aliñacións de oito parcelas e agrupar tres delas, no Plan parcial Buenos Aires área de repartición AR-S3.

Primeiro. Aprobar inicialmente o estudo de detalle para ordenar a ocupación e reaxustar as aliñacións de oito parcelas, e agrupar tres delas, situadas en solo urbano, no Plan parcial Buenos Aires, área de repartición AR-S3, tramitado por Melchor Barreiro e Hijos, S.L., segundo proxecto redactado polo arquitecto David Barreiro Loureiro, colexiado número 3419.

Segundo. Someter o expediente a información pública polo prazo mínimo de vinte días mediante anuncio que se publicará no Diario Oficial de Galicia e nun dos xornais de maior circulación da provincia, de acordo co disposto no artigo 86.2 da Lei 9/2002, do 30 de decembro, de ordenación urbanística e protección do medio rural de Galicia.

Terceiro. Notificar persoalmente ao propietario e aos demais interesados directamente afectados polo expediente para que poidan examinalo e formular as alegacións que procedan.

Lugar de exposición do expediente: Secretaría (1.º andar da casa do concello).

Horario: das 9.00 ás 14.00 horas.

A Laracha, 19 de decembro de 2011.

José Manuel López Varela
Alcalde